पोका योके आणि जपानी व्यवस्थापन! #qualitymanagement
त्याचा स्क्रू ढिला झालाय!
( पण हा स्क्रू ढिला होऊ नये म्हणून काय करता येईल? समजा झालाच तर कशा पद्धतीने पुन्हा फिट करता येईल? ती जपानी पद्धत म्हणजे पोका योके )
आता माझी सटकली 😎
( हे सटकनं आहे ते Man Made आहे Environmental आहे की अन्य कोणत्या कारणाने? हे तर्काने, रॅशनली पाहून डोक्याला ताब्यात ठेवता येईल. पण मग त्यासाठी Error Proofing तंत्रज्ञान वापरायला हवं. जो नियम मशीनसाठी तोच माणसासाठी )
Man is known by company he keeps 📡
( सोशल मिडियावर हजारो फाॅलोअर्स असणारी एक जण जवळचा मित्र नाही म्हणून कुढत असताना जाणवलं की तिला पोका योकेची गरज आहे. आयुष्यात गुणात्मक दर्जा महत्वाचा संख्यात्मक नाही)
Quality Management ची आवश्यकता फक्त मशीन आणि उत्पादनासाठीच असते असं नाही तर आयुष्य जगण्यासाठीही तितकीच महत्वाची आहे.
जपानी उत्पादनांमध्ये असणारा दर्जा, परफेक्शनचा हव्यास आणि कामावर असलेली श्रद्धा पाहिल्यावर 'पोका योके 'ही पद्धत तुम्हाला पटू शकते.
1960 सालापासून पोका योकेची सुरूवात झाली यात कामाच्या ठिकाणी मनुष्याकडून होणा-या चुका आणि यंत्राकडून होणा-या चुकांचा अभ्यास करून त्या कशा टाळायला हव्यात यावर उपाय योजना करण्यात आल्यात.
मला प्रत्यक्ष आयुष्यातही पोका योके पद्धत महत्वाची वाटते.
चुकूनही चुक होता कामा नये.
गलती से भी ना गलती हो जाये.
अर्थात काम चोख असावं व्हावं.
एक सोपं उदाहरण सांगते. सर्वांशी आपुलकीने वागावं पण जवळच्या वर्तुळात फक्त चार पाच जण असावेत . याच चार पाच जणांच्या व्यक्तिमत्वाची सरासरी म्हणजे आपलं व्यक्तिमत्व असतं आणि बनतं.
स्वतः हून चुकीचे पार्ट निवडून आपलं व्यक्तिमत्व loaded with Human Errors असता कामा नये.
तर काय आहे हे पोका योके तंत्रज्ञान.
समजा आपली आयुष्य जगण्याची पद्धत एका रूटीन मध्ये बंदिस्त असेल तर काही तत्वं त्यात असतात. ही तत्वं जर मशीनचे सुटे भाग आहेत असं समजलो आणि यातून कोणतं सार आपल्याला मिळेल, मिळत आहे, मिळू शकतं हे आपल्याला पहायचंय. जगण्याचा दर्जा महत्वाचा कारण त्यातून आपलं व्यक्तिमत्व घडतं. आपण कोणती तत्वं निवडतो आपलं मशीन चालवण्यासाठी हे ही महत्वाचं उत्पादन दर्जासाठी. मग तुमचं प्रोफेशन काहीही असो. लेखक, कवी, गायक, सरकारी नोकर, वकिल, डाॅक्टर, इंजिनिअर अथवा शेतकरी, हमाल, डबेवाला, भाजीवाला, गवंडी सुतार किंवा कोणताही व्यवसाय. बेसिक पार्ट निवडायला चुकायचं नाही. क्वाॅलिटी मॅनेजमेंटमधलं तत्वं. चुका होता कामा नये, कॅज्युअल्टी होऊ नये म्हणून मोडस ऑपरेण्डी ठेवायची. जास्त गुंता ठेवायचा नाही. पोका योके मला खुप अध्यात्मिक पद्धत वाटते.
#crossculture #pokayoke #sulawrites #marathi #मराठी
No comments:
Post a Comment